کولکتہ(سپورٹس ڈیسک) پاکستان کے خلاف میچ کے لیے غیرمعیاری پچ بھارتی ٹیم ڈائریکٹر روی شاستری نے تیار کرائی۔ سابق بھارتی کپتانوں سنیل گواسکر اور ساروگنگولی نے پچ کو تنقید کا نشانہ بنایا۔ایڈن گارڈنز کی غیر معیاری پچ نے پاکستان بھارت میچ کا مزہ کرکرا کر دیا۔ سابق بھارتی کپتانوں سنیل گواسکر اور سارو گنگولی نے پچ کو ٹی ٹونٹی کرکٹ کے لیے غیرموزوں قرار دے دیا۔ انگلینڈ کے سابق کپتان ناصر حسین بھی ایڈن گارڈنز کی پچ پر حیران ہوئے۔