لاہور(نمائندہ سپورٹس)عامر کیبلز کے زیر اہتمام 8 ویں عامر کیبلز T-20 کرکٹ چیمپئن شپ میںسپر ایٹ میں دو میچوں کا فیصلہ ہو گیا۔ پہلے میچ میںگولڈن ایگلز نے لاہور گرینز کو 7 وکٹوں سے ہرا دیا۔لاہور گرینز نے پہلے کھیلتے ہوئے مقررہ 20 اوورز میں8کھلاڑیوں کے نقصان پر 154 رنز بنائے۔جواب میںگولڈن ایگلز کی ٹیم نے18.5اوورز میں3وکٹوں کے نقصان پر ٹارگٹ پورا کر لیا۔مہمان خصوصی رانا نوید الحسن نے محمد شہباز کے عمدہ کھیل پر انہیں مین آف دی میچ کا انعام دیا۔دوسرے میچ میںترک پلاسٹ نے چوہدری سپورٹس کو 59 رنزسے شکست دے دی۔ترک پلاسٹ نے پہلے کھیلتے ہوئے مقررہ 20 اوورز میں7 کھلاڑیوں کے نقصان پر196 رنز بنائے۔ جواب میںچوہدری سپورٹس کی ٹیم 137رنز بنا کر آوٹ ہو گئی۔