کراچی (سٹی نیوز) سرجانی خداکی بستی کے رہائشی رکشہ ڈرائیور کی بیوی گھر کا صفایا کرکے فرار ہوگئی، مسروقہ سامان میں دولاکھ روپے نقد، چار تولہ سونے کا سیٹ اور دیگر قیمتی اشیاء شامل ہیں۔رکشہ ڈرائیور عرفان ولد عاشق علی کے مطابق اس نے جمیلہ بنت بہادر علی سے چار ماہ قبل شادی کی تھی ،منگل کے روز جب وہ رکشہ چلاکر رات کو واپس آیاتو گھر پر تالا لگا دیکھ کر تشویش ہوئی، محلہ داروں سے پوچھنے پر انہوں نے بتایاکہ تمہاری بیوی ایک آدمی کے ساتھ گھر کا سامان لے کر چلی گئی ہے۔ تال اتوڑکر جب میں گھر گھساتو میری دنیا اندھیر ہوگئی، گھر میں موجود چار تولہ سونے کا سیٹ اور چار روز قبل بیچے ہوئے رکشے کی رقم دو لاکھ روپے سمیت تمام قیمتی سامان غائب تھا۔ تھانہ سرجانی میں رپورٹ درج کرائی ہے کہ اس کی بیوی جمیلہ بنت بہادرعلی اس کے گھرکا سامان سمیٹ کر فرارہوگئی ہے، اس کو تلاش کرکے میراقیمتی سامان اور نقد رقم واپس دلائی جائے۔ عرفان نے بتایا کہ جمیلہ کی اس سے دوسری شادی تھی۔