عالمی وبا کوروناوائرس کے خوف نے جہاں ساری دنیا پر اپنا سحر طاری کیا ہوا ہے وہیں اس وائرس کی وجہ سے افواہوں کے نہ رکنے والے طوفان بھی جنم لے رہا ہے اور ہر روز کوئی نہ کوئی بات اس کے حوالے سے سامنے آتی ہے۔ کورونا وائرس کی وجہ سے ہونے والی گھبراہٹ اور افراتفری کے سبب کچھ دلچسپ مناظر دیکھنے میں بھی آرہے ہیں۔ کچھ لوگ کورونا وائرس سے اتنے خوف زدہ ہیں کہ وہ نہ صرف کئی مہینوں کا راشن ایک ساتھ خریدنے سپر اسٹورز پہنچ گئے ہیں بلکہ انہوں نے اسی طرح کا حفاظتی لباس پہنا ہوا ہے جیسا آگ بجھانے والے یا خطرناک کیمیکلز کی فیکٹریوں میں کام کرنے والے پہنتے ہیں۔