کراچی: کالعدم لشکر جھنگوی کے 2 دہشت گرد اسلحہ سمیت گرفتار

کراچی (نوائے وقت رپورٹ) کراچی کے علاقے شاہ لطیف ٹاؤن میں کارروائی کے دوران کالعدم لشکر جھنگوی کے دو دہشتگرد گرفتار کر لئے گئے۔ ایس پی ملیر کے مطابق گرفتار دہشت گردوں نے افغانستان سے عسکری تربیت حاصل کی۔ دہشت گردوں نے ریلوے ٹریک پر دستی بم سے حملے کا منصوبہ بنایا  تھا۔ دہشت گردوں کے قبضے سے اسلحہ اور ہینڈ گرنیڈ برآمد کر لیا۔ مزید تفتیش جاری ہے۔