اسلام آباد(نمائندہ خصوصی)ائیر چیف مارشل ظہیر احمد بابر سدھو نے پاک فضائیہ کی کمانڈ سنبھال لی، مجاہدانورخان نے پاک فضائیہ کی کمان ایئر چیف مارشل ظہیراحمدبابرسدھو کو سونپی۔ترجمان پاک فضائیہ  کے مطابق پاک فضائیہ میں کمان کی تبدیلی کی پروقارتقریب کا انعقاد کیا گیا ، تقریب میں پاک فضائیہ کے نئے سربراہ ایئرمارشل ظہیراحمدبابرسدھوکوگارڈ آف آنر پیش کیا گیا جبکہ جے ایف17 تھنڈر طیاروں نے سبکدوش ایئر چیف مارشل مجاہد انور خان کو سلامی دی۔ مجاہد انور خان نے نئے ایئر چیف مارشل ظہیراحمد بابرسدھو کو بیجز بھی لگائے۔  ائیر چیف مارشل ظہیراحمدبابرسدھو پاک فضائیہ کے 23 ویں سربراہ ہیں ، ان کا تعلق گجرات کے گاوں سدھ سے ہے، انھوں نے برطانیہ کے کامبیٹ کمانڈرز اسکول، ایئر وار کالج اور رائل کالج آف ڈیفنس اسٹڈیز سے تعلیم حاصل کی۔