کراچی(پی پی آئی) ویب سیریز  مسز اینڈ مسٹر شمیم کوچاہنے والوں اور تنقید کرنے والوںکی طرف سے پیغامات موصول ہورہے ہیں۔مرکزی کرداروں صبا قمر اور نعمان اعجازکی محبت کی منفرد کہانی کے چرچے ہر سو پھیل رہے ہیں۔ لطف کو دوبالا کرنے کیلئے کلاسیکل رنگ کے نغمے دل لگی کا اچھوتا خیال شامل کیا ہے۔ یہ کلاسیکل قوالی مرحوم استاد نصرت فتح علی نے گائی تھی جس کے نئے ورژن کو سمیع خان نے لکھا اورکمپوز کیا ہے اور ساحر علی بگّا، فریحہ پرویز، زین علی اور زوہیب علی کی آوازوں میں ریکارڈ کیا گیا ہے۔ اس کی نئی دھن میں محبت کا جودرد موجود ہے وہ ان جذبات کی مکمل طورسے عکاسی کرتا ہے جو عمیمہ اور شمیم کے چہرے سے عیاں ہے۔مسز اینڈ مسٹر شمیم ایک خالص بندھن کی منفرد لو اسٹوری ہے جو دودلوں کے درمیان دوستی سے رفتہ رفتہ محبت میں بدلتی جاتی ہے۔ زندگی اوریجنل ۔ مسز اینڈ مسٹر شمیم خصوصی طور پر ZEE5پر دکھائی جارہی ہے۔