نوشہرہ ورکاں (نمائندہ نوائے وقت) شب برات کی رات عبادت گزاروں نے نوافل اور اذکار جبکہ منچلوں نے ہلڑ بازی اور شور شرابے میں گزاری جبکہ پولیس نے خاموش تماشائی کا کردار ادا کیا گزشتہ رات شب برات کے موقع پر ہر طرف پٹاخوں کے دھماکوں کی آوازوں شرلیاں اور انار چلنے سے فضاء بارود کی بو سے بھر گئی جس سے عبادت گزاروں کی عبادت میں خلل پیدا ہوتا رہا سارا دن شہر بھر میں مختلف مقامات پر سرعام ریڑیوں پر آتش بازی کا سامان فروخت ہوتا رہا پولیس نے صرف کاروائی ڈالنے کے لئے چند افراد کو پکڑا مجموعی طور پر اس عبادت والی رات پولیس کی نااہلی سے نوجوانوں کی جانب سے قانون شکنی عام رہی۔