لاہور(سپورٹس ڈیسک ) آئی سی سی ویمنز کرکٹ ورلڈ کپ کے میچ میں آسٹریلیا نے بھارت کو 6وکٹوں سے شکست دے کر سیمی فائنل میں  جگہ بنالی‘یہ مسلسل پانچویں فتح تھی۔ پاکستا ویمنز ٹیم ایونٹ کا پانچواں میچ کل ویسٹ انڈیز ویمنز ٹیم کیخلاف کھیلیں گی  ۔ نیوزی لینڈ اور انگلینڈ کی ویمنز ٹیمیں آج مدمقابل ہونگی ۔ نیوزی لینڈ میں کھیلے جارہے میگا ایونٹ میں بھارتی ویمنز ٹیم نے 7وکٹوں پر 277رنز بنائے ۔یاستاکیا بھاٹیا 59‘کپتان متھالی راج68اور ہرمن پریت کور 57رنز بناکر نمایاں رہیں ۔ ڈارسی برائون نے تین اور ایلانا کینگ نے دو کھلاڑیوں کو آئوٹ کیا ۔ آسٹریلوی ویمنز ٹیم نے ہد ف چار وکٹوں پرپورا کرلیا ۔ کپتان میگ لاننگ نے 97اور الیسا ہیلے نے 72رنز کی اننگز کھیلی ۔ میگ لاننگ کو میچ کی بہترین کھلاڑی قرار دیا گیا ۔