بنگلہ دیش: تیز رفتار بس کھائی میں جاگری، 19 افراد ہلاک‘ بیسیوں زخمی

ڈھاکہ (نیٹ نیوز) وسطی بنگلہ دیش میں تیز رفتار بس ایک بڑی شاہراہ پر الٹ گئی اور کھائی میں جاگری جس سے کم از کم 19 افراد ہلاک اور بیسیوں زخمی ہوگئے۔ خبررساں ادارے کی رپورٹ کے مطابق حادثہ ڈھاکہ سے 80 کلومیٹر دور شبچار شہر کے علاقے میں پیش آیا۔ پولیس عہدیدار انور حسین نے بتایا مرنے والوں کی تعداد میں مزید اضافہ ہو سکتا ہے کیونکہ کچھ زخمی مسافروں کی حالت تشویشناک ہے۔ انور حسین نے بتایا بس میں 40 سے زیادہ مسافر سوار تھے، بس نوتعمیر شدہ پدما ندی برج ایکسپریس وے کی ریلنگ کو توڑ کر سڑک کے کنارے تقریباً 9 میٹر (30 فٹ) گہری کھائی میں گری۔ انہوں نے کہا ایسا لگتا ہے بس کا ٹائر پھٹنے کے بعد گاڑی ڈرائیور کے کنٹرول سے باہر ہوگئی تھی البتہ حادثے کی وجہ جاننے کے لیے تفتیش کی جا رہی ہے۔
بس کھائی