لاہور( نوائے وقت رپورٹ) شمالی کوریا نے مختصر فاصلے تک مار کرنے والے بیلسٹک میزائل کا تجربہ کر لیا، جاپان نے اپنی سمندری حدود میں میزائل کے گرنے کے بعد شدید احتجاج کیا ۔جاپان کے وزیر دفاع توشیرو انونے کے مطابق میزائل نے گرنے سے قبل 50 کلومیٹر کی بلندی پر 800 کلومیٹر تک جاپان کی فضائی حدود میں پرواز کی اور اس کے بعد ہامری سمندری حدود میں جا کر گرا۔انہوں نے کہا شمالی کوریا عالمی قوانین اور اقوام متحدہ چارٹر کی خلاف ورزی کر رہا ہے۔امریکہ کی انڈو پیسفک کمانڈ نے کہا میزائل تجربہ شمالی کوریا کے پاس بڑے پیمانے پر تباہی مچانے والے غیر قانونی ہتھیاروں اور بیلسٹک میزائل پروگرام کی نشاندہی کرتا ہے۔
شمالی کوریا، میزائل تجربہ