احمد پور شرقیہ میں2نوجوان گٹر میں گر کر جاں بحق

احمد پور شرقیہ (آئی این پی ) پنجاب کے ضلع بہاولپور کی تحصیل احمد پور شرقیہ میں 2 نوجوان سیوریج لائن کے مین ہول میں گر کر جاں بحق ہو گئے۔ ریسکیو ذرائع کے مطابق احمد پور شرقیہ کے علاقے منیر شہید چوک میں رات گئے 2 نوجوان گرین بیلٹ پر چہل قدمی کر رہے تھے کہ ایک نوجوان سیوریج لائن کے کھلے مین ہول میں گر گیا۔ اسی اثنا میں دوسرا نوجوان دوست کو بچاتے ہوئے خود بھی مین ہول میں گر گیا۔ واقعے کی اطلاع ملتے ہی ریسکیو ٹیم موقع پر پہنچ گئی ، ریسکیو ورکرز نے کئی گھنٹے کے آپریشن کے بعد دونوں نوجوانوں کی نعشیں نکال کر تحصیل ہیڈ کوارٹر ہسپتال احمد پور شرقیہ منتقل کر دیں ۔ جاں بحق ہونے والے نوجوانوں کی شناخت 18 سالہ کلیم اللہ اور 17 سالہ اویس کے نام سے ہوئی ہے اور دونوں کا تعلق تحصیل یزمان سے ہے۔
گٹر حادثہ