کامونکی(نمائندہ خصوصی)موٹروے پر ڈاکوؤں نے کیری ڈبہ سوار کرکٹ میچ دیکھ کر آنے والے نو افراد سے مجموعی طور پرستر ہزاروں روپے لوٹ لئے جبکہ ایک شخص کو ٹانگ میں گولی مار کر شدیدزخمی کردیا۔بتایا گیا ہے کہ گذشتہ روز پسرور کے علاقہ کالیکے ناگرہ کے نو دوست محمد الطاف،ذیشان،شفاعت،عثمان علی،حامد علی،ریاض، بلال، عبدالرحمن اور شاہد لاہور کرکٹ میچ دیکھ کر واپس جارہے تھے لاہور سیالکوٹ موٹر ویز واہنڈو انٹر چینج کے قریب چار ڈاکوؤں نے کیری ڈبہ پر فائرنگ کرکے روک لیا اور اْن سے مجموعی طور پر ستر ہزارروپے چھین لئے ملزمان کی فائرنگ سے الطاف ٹانگ میں گولی لگنے سے شدید زخمی ہوگیا۔اطلاع ملنے پر ریسکیو1122کی ٹیم نے الطاف کو طبی امداد کیلئے ڈسٹرکٹ ہسپتال گوجرانوالہ منتقل کردیا۔واہنڈو پولیس مصروفِ تفتیش ہے۔علاوہ ازیںٹبہ محمد نگر کا شفیق سبزی منڈی میں موٹر سائیکل کھڑی کرکے گیا تو چوراْسکی موٹر سائیکل چوری کرکے لے گئے۔جبکہ پپلی والا کا آصف رمضان ریلوے روڈ پرموٹر سائیکل کھڑی کر کے سستا بازار میں خریداری کیلئے گیا تو چور اْسکی عدم موجودگی میں موٹرسائیکل چوری کرکے لے گئے۔جبکہ محلہ دولت پورہ کے ملک اکرام کی عدم موجودگی میں گھر کے تالے توڑ کر چور  بیس ہزار روپے اور قیمتی سامان چوری کرکے لے گئے ،سٹی پولیس نے مقدمات درج کرلیے ۔