لیجنڈز لیگ، آفریدی کی ایشیا الیون نے گھمبیر کے مہاراجہ کا غرور خاک میں مِلادیا

لاہور(سپورٹس رپورٹر ) قطر میں جاری لیجنڈز لیگ کے ایلیمنیٹر رانڈ میں شاہد آفریدی کی ایشیا لائنز گوتم گھمبیر کی انڈیا مہاراجہ کا غرور خاک میں ملاتے ہوئے 85 رنز سے شکست دیکر ٹورنامنٹ سے باہر کردیا۔ دوحہ میں کھیلے گئے میچ میں ایشیا لائنز نے 5وکٹوں پر 191رنز بنائے، اوپل تھرنگا 50 رنز بناکر ٹاپ سکورر رہے۔ کھلاڑیوں میں محمد حفیظ 38، اصغر افغان 34، دلشان 27، تھیسارا پریرا 24 جبکہ کپتان شاہد آفریدی ایک رن بناکر ناٹ آوٹ رہے۔ سٹورٹ بنی اور پرگیان اوجھا 2،2 وکٹیں حاصل کرنے میں کامیاب ہوئے۔ ہدف کے تعاقب میں انڈیا مہاراجہ نے پہلی وکٹ 47 کے سکور پر گنوائی جبکہ کپتان گوتم گھمبیر 32 رنز پر محمد حفیظ کا شکار بنے۔روبن اتھاپا 15، محمد کیف 14، سریش رائنا 18، یوسف پٹھان 9، عرفان پٹھان 3، اشوک دندا اور پرگیان اوجھا 2، 2 رنز بناکر نمایاں رہے۔ سہیل تنویر، عبدالرزاق، محمد حفیظ نے 2،2 کھلاڑیوں کو پویلین کی راہ دیکھا۔ لیجنڈز لیگ کا فائنل کا آج ایشیا لائنز اور ورلڈ جائنٹس کے درمیان کھیلا جائیگا۔