لاہور(سپورٹس ڈیسک)آسٹریلیا نے بھارت کے گھر کے شیروں کی درگت بنادی ‘دوسرا ون ڈے میچ 10وکٹوں سے ہرا کر سیریز ایک ایک سے برابر کردی ۔ بھارتی ٹیم 26اوورز میں 117رنز پر ڈھیر ہوگئی ۔ ویرات کوہلی 31رنز بناکر نمایاںرہے ۔ 4کھلاڑی کھاتہ بھی نہ کھول سکے ۔ سات کھلاڑی ڈبل فیگر میں داخل نہ ہوسکے ۔ مچل سٹارک نے 5‘سین ایبٹ نے تین جبکہ نیتھن ایلس نے دو کھلاڑیوں کو آئوٹ کیا ۔ آسٹریلیا نے ہدف 11اوور میں 121رنز بناکر ہدف بغیر وکٹ کھوئے حاصل کرلیا ۔ ٹریوس ہیڈ 51اور مچل مارش 66رنز بناکر ناقابل شکست رہے ۔ مچل سٹارک کو میچ کا بہترین کھلاڑی قرار دیا گیا ۔ بھارت کو گیندوں کے اعتبار سب سے بڑی شکست ہوئی ہے ۔ میچ میں ابھی 234گیندیں باقی تھیں۔