لاہور (سپورٹس رپورٹر)پاکستان سپر لیگ 8 کی فاتح ٹیم لاہور قلندرز کے کپتان شاہین شاہ آفریدی نے کہا ہے کہ جیت پر اللہ کا شکر ہے، جیت کا کریڈٹ مینجمنٹ کو دوں گا۔فائنل میچ کافی مشکل تھا، سوچا تھا کہ آخری گیند تک لڑیں گے، آخری گیند پر کامیابی ملنے پر خوشی ہوئی۔ عاقب جاوید اور ثمین رانا کا ٹیم کو بنانے میں اہم کردار ہے۔ مجھے اعتماد دیا گیا، میں اس وقت بنا جب مجھے نہیں ہونا چاہیے تھا کیونکہ سینئر محمد حفیظ جیسے کھلاڑی ٹیم میں تھے۔ لگا کہ اگر میں اوپر بیٹنگ کروں تو کچھ کر سکتا ہوں، میں نے ایک پیڈ پہنا ہوا تھا، پورا تیار بھی نہیں تھا تو میں نے خود آنے کا فیصلہ کیا۔ مجھے یقین تھا کہ ایک دو شاٹ لگ گئے تو ہم دباﺅ سے نکل آئیں گے۔حارث رﺅف دنیا کا بہترین باﺅلر ہے، مجھے اس پر اندھا اعتماد رہتا ہے،اگر اس نے بائیس رنز دئیے ہیں تو پھر بھی اچھے باﺅلرز ہیں ان پر اعتماد ہے۔محمد زمان کو کریڈٹ جاتا ہے، انہوں نے اچھی باﺅلنگ کی، پی ایس ایل دنیا کی بہترین لیگ ہے جس میں بہت اچھے میچز ہوئے۔ محمد رضوان ایک الگ انسان ہے، میں اسے جنتی کہتا ہوں، وہ خاص انسان ہے اور خاص کام کرتے ہیں۔میری ٹیم ڈیمانڈ کرتی ہے کہ جلد وکٹ لے کر دوں، میں چاہے لیگ کھیلوں یا ملک کےلئے جلد وکٹ لینے کی کوشش کرتا ہوں تاکہ دوسری ٹیم کو دباﺅ میں لاﺅں۔ کامیابی پر بہت خوشی ہوئی ہے، ہم قلندرز والے ایک فیملی کی طرح ہیں۔