روہڑی ، گروہی تصادم میں ایک شخص جاں بحق اور 8 زخمی ،علاقے میں کشیدگی برقرار

روہڑی (نامہ نگار) صالح پٹ میں مہر اور چاچڑ برادری کے دو گروہوں میں تصادم ،فائرنگ سے ایک شخص جاں بحق اور 8 زخمی ،علاقے میں کشیدگی برقرار تفصیلات کے مطابق روہڑی کے علاقے صالح پٹ کے گاؤں سوبھو مہر میں پلاٹ پر جمع پانی کی نکاسی کے معاملے پر مہر اور چاچڑ برادری کے دو گروہوں میں تصادم ہوگیا جس کے دوران دونوں اطراف سے ایک دوسرے پر فائرنگ کی گئی جس کی زد میں آکر چاچڑ برادری کا ایک نوجوان 35 سالہ امداد حسین موقع پر جاں بحق ہوگیا جبکہ 8 افراد زخمی ہوگئے پولیس نے واقعہ کی اطلاع پر علاقے میں پہنچ کر صورتحال پر قابو پالیا مقتول کی نعش اور زخمیوں کو فوری طور پر روہڑی تعلقہ اسپتال لے جایا گیا مقتول کی نعش تمام ضروری قانونی کاروائی کے بعد ورثائ￿  کے حوالے کردی گئی ہے دونوں برادریوں کی جانب سے ایک دوسرے پر جھگڑے میں پہل کرنے کے الزامات عائد کیے جارہیہیں جس کی وجہ سے علاقے میں کشیدگی برقرار ہے۔