لاڑکانہ(بیورورپورٹ) شہید محترمہ بےنظیر بھٹو میڈیکل یونیورسٹی کی ملازم تنظیم شیوا کی جانب سے سندھ کے یونیورسٹیز میں ملازمین کے ساتھ ناانصافیوں کےخلاف پریس کلب کے سامنے احتجاجی مظاہرہ کیا گیا، اس موقع پر ملازم رہنماو¿ں نورمحمد ھلیو، عبدالجبار سیال اور دیگر نے کہا کہ سندھ کی تمام یونیورسٹیز میں ملازمیں کے ساتھ ناانصافی کی جاری ہے، داﺅد انجینئرنگ کراچی یونیورسٹی سے 42 ملازمین کو بے روزگار گیا ہے، پیپلز میڈیکل یونیورسٹی نوابشاہ، قائد عوام یونیورسٹی کے ملازموں کی تنظیمیں زبردستی ختم کرائی جارہی ہیں اور جمہوری سے انتخابات سے روکا جارہا ہے، ملازمیں کو برطرف اور شوکاز نوٹس بھیجے جا رہے ہیں جو عمل ناقابل برداشت ہے، ان کا کہنا تھا کہ سندھ کی دیگر یونیورسٹیز میں ملازمیں کے حقوق ہڑپ کرکے ان کو ذہنی ٹارچر کیا جا رہا ہے،ملازمین کے جائز مسائل حل کیے جائیں بصورت دیگر ملازمین کراچی کا رخ کریں گے۔