لاہور(سپورٹس رپورٹر) چیئرمین پی سی بی اور وزیر داخلہ محسن نقوی نے نیشنل کرکٹ سٹیڈیم کراچی کا دورہ کیا جس میں انہوں نے سٹیڈیم میں شائقین کرکٹ کیلئے سہولتوں کاجائزہ لیا۔محسن نقوی نے نیشنل کرکٹ سٹیڈیم میں فراہم سہولتوں پر عدم اطمینان کا اظہار کیا اور میچ کے ویوکو بہتربنانے کیلئے انکلوژرکے حفاظتی جنگلے مزید آگے بڑھانے کی ہدایت کی۔چیئرمین پی سی بی نے کہا کہ سٹیڈیم میں نشستوں کوبہتراور آرام دہ ہونا چاہیے، سٹیڈیم کی عمارت کو بہتر اور خوبصورت بنایا جائے جبکہ سٹیڈیم کی دیکھ بھال پر مستقل و خصوصی توجہ دی جائے۔