حافظ آباد(نمائندہ نوائے وقت) جماعت رضائے مصطفے ﷺ پاکستان کے مرکزی امیر ر مولانا پیر محمد داؤد رضوی نے نتھوسویا میں عظیم الشان سیدٰۃ النساء خاتون جنتؓ کانفرنس سے خطاب کرتے کہا کہ سیدۃ النساء حضرت فاطمۃ الزہراء کی سیرت مقدس مسلمان خواتین کیلئے مشعل راہ کی حیثیت رکھتی ہے۔اسلامی تعلیمات اور سیدہ فاطمہ کی روایات پر عمل سے عورت کھویا ہوا وقار دوبارہ حاصل کر سکتی ہے۔انہوں نے کہا کہ دور حاضر میں عورت اگر پریشانی اور مصائب و مشکلات میں مبتلا ہے تو اس میں زیادہ قصور ہمارا اپنا ہے۔آج کی عورت اسلام کی روشن اور پاکیزہ تعلیمات پر عمل چھوڑ کر نام نہاد روشن خیالی کے چکروں میں پڑکر اپنی حقیقی عزت و وقار کھو چکی ہے۔