چوہدری محمد منشا باٹھ انتقال کر گئے

نوشہرہ ورکاں (نامہ نگار)چوہدری محمد منشا باٹھ انتقال کر گئے،مرحوم کی نماز جنازہ گاہڑی میں ادا کردی گئی تفصیلات کے مطابق علاقہ کی معروف سیاسی وسماجی شخصیت سابق سٹی ناظم  چوہدری محمد منشا باٹھ آف گاہڑی  رضائے الٰہی سے انتقال کر گئے ہیں مرحوم کی نماز جنازہ گاہڑی میں ادا کردی گئی نماز جنازہ میں علاقہ بھر کی سیاسی وسماجی شخصیات ،عزیز واقارب ،وکلا و صحافی برادری سمیت  کاروباری حلقوں نے شرکت کی چوہدری محمد منشا باٹھ دو مرتبہ سٹی ناظم منتخب ہوئے اس سے قبل کونسلر بلدیہ بھی رہے  گزشتہ  دو دہائیوں سیاتحاد گروپ کے  سرکردہ رہنما تھے لیکن گزشتہ جنرل الیکشن سے قبل چوہدری  بلال اعجاز گروپ کو چھوڑ کرناہرا گروپ میں شامل ہو گئے تھے ان کی وفات سے شہر اور علاقہ ایک شریف النفس اور معتبر سیاسی شخصیت سے محروم ہو گیا ۔