راولپنڈی (اپنے سٹاف رپورٹر سے)ڈکیتی ،چوری کی وارداتوں میں شہری نقدیٹ،طلائی زیورات ،گاڑی ، موٹر سائیکلوں سمیت دیگر اشیا سے محروم کر دئیے گئے تھانہ صدربیرونی کو عبدالرزاق نے بتایا کہ گلزارِ قائد میں ایک 35 سالہ شخص میرے گھر داخل ہوا اور گن پوائنٹ پر ایک لاکھ 15 ہزارروپے کی نقدی اور تین تولہ طلائی زیورات چھین کر فرار ہوگئے، تھانہ نیو ٹاؤن کو محمد نوید کیانی نے بتایا کہ کمرشل مارکیٹ میں میری بیوی کے پرس سے چھوٹا بٹوہ چوری ہوگیا جس میں 40 ہزارروپے اور شناختی کارڈ تھے تھانہ وارث خان کو رضا اسلم نے بتایا کہ لیاقت باغ میں تین موٹر سائیکل سوار گن پوائنٹ پر مجھ سے 30ہزارروپے کی نقدی اور دو موبائل فون چھین کر فرار ہوگئے تھانہ سول لائن کو مخدوم محمد صدام حسین نے بتایا کہ لالا رخ میں میرے گھر کے تالے توڑ کر تین لاکھ 20 ہزارروپے ،آٹھ لاکھ 96 ہزارروپے مالیتی سونا ،ساڑھے تین لاکھ روپے مالیتی گھریلو سامان چوری کر لئے گئے ، تھانہ ریس کورس کو محمد کامران منہاس نے بتایا ڈھوک سیداں سے میرا سوزوکی ڈبہ،تھانہ سٹی کو قاضی انعام الحق ،تھانہ نیو ٹاؤن کو محمد طلحہ مشتاق ،تھانہ کینٹ کو محمد علی صغیر نے بتایا کہ ہمارے موٹر سائیکل چوری ہوگئے ہین۔