اسلام آباد : یوم پاکستان پریڈ میں آذربائیجان اور چین کے فوجی دستے بھی حصہ لینے کے لیے پہنچ گئے۔

تفصیلات کے مطابق یوم پاکستان کےموقع پرپریڈ میں آذربائیجان اورچین کے فوجی دستے بھی حصہ لے رہے ہیں۔

23مارچ کو یوم پاکستان کےموقع پرپریڈ کی تیاریاں جوش وجذبے سے جاری ہے ، پریڈمیں آذربائیجان اورچین کےفوجی دستے بھی حصہ لینے کے لیے پہنچ چکے ہیں۔آذربائیجان آرمی کا کہنا ہے کہ پاکستان ہمارابرادرملک ہے.اس خاص موقع پرآکرہمیشہ فخرمحسوس ہوتا ہے۔میجر مہران کرایوزو نے کہا کہ کل پہلی ریہرسل اچھی طرح سےمکمل ہونےکےبعدحوصلےبہت بلندہیں۔پریڈ کوآرڈینیٹرطاہر سیف اللہ کا کہنا تھا کہ آج چینی فوج نے ہمیں جوائن کیا ہے. یہ سب بہت قابل ہیں ، بہت خوشی ہے، چین اور آذربائیجان کی افواج بھی پریڈ میں حصہ لے رہی ہیں۔