ملک ترقی کی راہ پر چلتا ہے تو شہدا کی روحوں کو خوشی ملتی ہے: کور کمانڈر کوئٹہ

کوئٹہ (نوائے وقت نیوز) کور کمانڈر کوئٹہ لیفٹیننٹ جنرل ناصر خان جنجوعہ نے کہا ہے جب پاکستان ترقی کی راہ پر چلتا ہے تو شہداء کی روحوں کو خوشی ہوتی ہے۔ کوئٹہ میں بلوچستان یونیورسٹی کے طلباء و طالبات کے ایک روز پاک آرمی کے ساتھ گزارنے کے موقع پر خطاب کرتے ہوئے کمانڈر سدرن کمانڈ نے کہا کہ پاک فوج وطن کے لیے ہمیشہ قربانیاں دیتی رہی ہے جن کی قربانیوں کو فراموش نہیں کیا جاسکتا۔ لیفٹیننٹ جنرل ناصر خان جنجوعہ نے جب طلبا و طالبات کو خوش آمدید کہا تو فضا پاکستان زندہ باد کے نعروں سے گونج اٹھی جس پر انہوں نے پرجوش نعروں کے لیے دلچسپ انداز میں طلبا و طالبات کو ترغیب دی جس پر فضا میں پاکستان زندہ باد کے فلک شگاف نعرے بلند ہوئے۔