ملک میں احیائے اسلام اور دینی اقدار کے تحفظ کیلئے مذہبی قوتیں متحد ہیں : ساجد میر

لاہور (خصوصی نامہ نگار) مرکزی جمعیت اہل حدیث پاکستان کے سربراہ سینیٹر پروفیسر ساجد میر نے کہا ہے کہ دینی قوتوں سے نفرت کرنے والے نام نہاد دانشور پرویز رشید کی تعریفیں کررہے ہیں۔ پرویز رشید کو چاہیے تھا کہ وہ وضاحت سے پہلے اپنی تقریرکی دوبارہ ویڈیو سن لیتے۔ ملک میں احیائے اسلام شعائر اسلام اور دینی اقدار کے تحفظ کے لیے دینی قوتیں متحد ہیں۔ انہوں نے کہا پرویز رشید کی غیر حکیمانہ بیان بازی دینی طبقے میں حکومت کے خلاف نفرت کو فروغ دے رہی ہے۔