مختلف شہروں میں 4 خواتین اور 3 بچوں سے زیادتی

لاہور (نمائندگان) مختلف واقعات میں اوباشوں نے 4 خواتین اور 3 بچوں کو زیادتی کا نشانہ بنا دیا۔ نوشہرہ ورکاں کے نواحی گائوں نتھو سویا میں شادی شدہ خاتون 35 سالہ شازیہ کو ملزم نواز نے ساتھی خاتون شہناز کی مدد سے اغوا کرلیا اور چکوال لے جاکر زیادتی کا نشانہ بناتا رہا۔ قلعہ دیدار سنگھ کے علاقہ دھیدو دوگل میں نویں جماعت کے طالب علم ابوبکر کو ملزم زوہیب نے ساتھی خالد سے ملکر زیادتی کا نشانہ بنایا۔ پولیس نے ملزم کو گرفتار کرلیا۔ گگو منڈی میں آٹھویں جماعت کے طالب علم مبشر کو ملزم عبد اللہ اور جمال سمیت چار افراد نے اغوا کے بعد زیادتی کا نشانہ بنایا جبکہ مزاحمت پر گرم استری سے اسکے جسم کو داغ دیا۔ دیپالپور میں 4 سالہ رمضانہ کو ملزم طارق نے ہوس کا شکار کیا۔ پولیس نے ملزم کو گرفتار کرلیا۔ سیالکوٹ میں صبا کو ملزم رانا نبیل شادی کا جھانسہ دیکر زیادتی کا نشانہ بناتا رہا۔ سمبڑیال میں ملزم رئیس نے ماورا بی بی کو زیادتی کا نشانہ بنا دیا۔ پسرور میں اوباش فیاض نے الف کو گھر میں گھس کر زیادتی کا نشانہ بنایا۔ ننکانہ صاحب میں 10سالہ زاہد جو کہ مدرسہ دارالعلوم ختم نبوت ہائوسنگ کالونی میں زیر تعلیم ہے ، کو ملزم مدثر نے زیادتی کا نشانہ بنایا۔