نارووال (نامہ نگار) نارووال اورگردونواح میں شدید آندھی سے جسٹر بائی پاس پر لگے رمضان بازار کے شامیانے اکھاڑ دئیے۔کئی خریدار شامیانے گرنے سے نیچے آکر زخمی ہوگئے۔ ریسکیو1122 نے آکر نکالا، گذشتہ روز دوپہر کے قریب اچانک نارووال اور گردنواح میں تیز آندھی اور گردآلود ہوائیں چلیں، سڑکوں پر گردوغبار اُڑنے لگی، جسٹر بائی پاس پر ضلعی انتظامیہ کی طرف سے لگایا گیا رمضان بازار کے شامیانے دوکانوں پر موجود افراد اور خریداروں پر گر پڑے۔ ذرائع کے مطابق چند افراد کے سر پر چوٹیں بھی آئیں اور زخمی ہوئے۔ ریسکیو1122 نے شامیانوں کے نیچے دبے افراد کو آکر نکالا، دکانداروں کا سامان بھی بکھر گیا جبکہ رمضان بازار کی سکیورٹی کیلئے لگائے گئے سی سی ٹی وی کیمرے بھی گر کر ٹوٹ گئے۔