لاہور (این این آئی) وزیراعلیٰ پنجاب کے ترجمان ڈاکٹر شہباز گل نے کہا ہے کہ حمزہ شہباز کو جیل کی سلاخیں یاد آ رہی ہیں اس لئے وہ گھبرا رہے ہیں۔ نواز شریف کی ضمانت منظور ہو جاتی تو وہ بھی آج یہاں نہ ہوتے۔ حمزہ شہباز کے بیان پر ردعمل دیتے ہوئے شہباز گل نے کہا کہ پیپلز پارٹی اور (ن) لیگ کا گٹھ جوڑ اپنی کرپشن بچانے کی ناکام کوشش ہے۔ بلاول بھٹو کو حمزہ شہباز اور مریم نواز سے پوچھنا چاہئے وہ ان کے والد زرداری کو سڑکوں پر کب گھسیٹیں گے۔