کراچی ( اسٹاف رپورٹر) پاکستان میں اندرون ملک پروازوں کا آغاز 6مئی سے شروع ہوچکا ہے۔ سیرین ایئر پاکستان کی واحد پرائیوٹ ایئر لائن ہے جس نے سول ایوی ایشن اتھارٹی کے تعین کردہ COVID-19قوائد و ضوابط کے مطابق پروازوں کا سلسلہ بحال کردیا ہے۔ اس وقت سیرین ایئر کا جن شہروں میں فلائٹ آپریشن جاری ہے ان میں کراچی ، لاہور، اسلام آباد، پشاور اور کوئٹہ شامل ہیں۔ سیرین ایئر تمام مسافروں کو پروازوں سے پہلے فری سینیٹائزر اور ماسک مہیا کر رہی ہے ، جبکہ ہر پرواز کے بعد طیارے کو مکمل طور پر ڈس انفیکٹ کیا جاتا ہے۔