جینیوا اوپن ، پیبلو اینڈجور نے راجر فیڈرر کو ہرا کر اپ سیٹ کردیا 

کراچی (اسپورٹس ڈیسک) جینیوا اوپن میں اسپین کیپیبلو اینڈجور نے راجر فیڈرر کو ہرا کر اپ سیٹ کردیا۔سوئٹزلینڈ میں ہونے والے جینیوا اوپن میں سوئس کھلاڑی راجر فیڈرر کا مقابلہ ورلڈ نمبر 75پیبلو اینڈجور سے ہوا۔فیڈرر کا 2019 کے بعد کلے کورٹ پر یہ پہلا مقابلہ تھا، پہلا سیٹ اینڈجور نے چھ چار سے جیتا جبکہ دوسرے سیٹ میں فیڈرر نے اینڈجور کو چھ چار سے ہرایا۔تیسرے اور فیصلہ کن سیٹ میں اینڈجور نے بہترین کھیل پیش کیا اور فیڈرر کو چھ چار سے مات دی۔میچ کے بعدراجر فیڈرر کا کہنا تھاکہ کورٹ میں دوبارہ واپس آنا اچھا لگا مگر اس طرح ہار جانے سے مایوسی ہوئی۔