راولپنڈی (اپنے سٹاف رپورٹر سے) راولپنڈی پولیس کے ڈی ایس پی سہیل ممتاز شاہ کورونا کے خلاف جنگ لڑتے ہوۓ شہید ہوگئے۔ وہ گزشتہ کئی ہفتوں سے راولپنڈی انسٹیٹیوٹ آف یورالوجی میں زیر علاج تھے ، سہیل ممتاز شاہ ایس ڈی پی او کوٹلی ستیاں اپنے فرائض سرانجام دے رہے تھے، فرض کی ادائیگی کے دوران کورونا وائرس میں مبتلا ہوئے، پولیس کے مطابق شہید ڈی ایس پی کی نماز جنازہ ایس او پیز کے مطابق ادا کی جاۓ گی ۔
سی پی او راولپنڈی محمد احسن یونس نے کہا کہ شہید کے اہل خانہ کے غم میں برابر کے شریک ہیں اور دکھ کی اس گھڑی میں ان کے ساتھ کھڑے ہیں شہید ڈی ایس پی سہیل ممتاز انتہائی محنتی، ملنسار اور شفقت بھری شخصیت کے مالک تھےراولپنڈی پولیس کورونا کے خلاف جنگ میں فرنٹ لائن پر کردار ادا کرتی رہے گی تاہم افسران و اہلکار فیس ماسک، گلوز، سینیٹائزر اور دیگر حفاظتی اقدامات پر عملدرآمد کو یقینی بنائیں .
