موٹروے پولیس کی بروقت کارروائی، ٹرک کو آگ سے بچا لیا 

 اسلام آباد(نمائندہ نوائے وقت)نیشنل ہائی ویز اینڈ موٹر وے پولیس کے مطابق ایک تعمیراتی کام میں استعمال ہونے والی ہیوی مشینری(ٹرک) جس میں تین افراد سوار تھے اور پشاور سے اسلام آباد کی جانب جارہا تھا کہ سنگجانی انٹر چینج کے قریب موٹروے ایم۔ون پر اچانک ٹرک کے ٹائر میں آگ بھڑک اٹھی ۔
جس کا  ڈرائیور کو علم نہ ہو سکا لیکن پٹرولنگ پر موجود افسران نے ٹرک کو دیکھتے ہی رکوا لیا اورآگ بجھانے والے آلات کی مدد سے بروقت کاروائی کرتے ہوئے آگ پر قابو پا لیا گیا۔ جس سے کوئی جانی یا مالی نقصان نہ ہوا۔