پاکستان دشمن عناصر کی سازشوں کو ناکام بنانا چاہیئے:خاور بھٹہ

ملتان  (سماجی رپورٹر )تحفظ عزاداری کونسل کے صدر خاورشفقت بھٹہ، جنرل سیکرٹری سید طالب حسین پروازنے کہا کہ ملتان اولیاء  اللہ کی دھرتی ہے جہاں سے دنیا بھر میں اتحاد، اخوت، امن اور بھائی چارے کا پیغام جاتا ہے اسی لئے ہمیں آپس میں اتحاد، اخوت کا مظاہرہ کرنا چاہیئے اور اسلام و پاکستان دشمن عناصر کی مذموم سازشوں کو ناکام بنانا چاہیئے یہ وطن ہمارا ہے اور ہم نے ہی اس کی حفاظت کرنی ہے ان خیالات کا اظہار انہوں نے سید حسن عباس رضوی ناظم علیٰ امام بارگاہ حضرت سید محمد عیسٰی بخاری المروف بابا تلوار شاہ کے زیر اہتمام حضرت امام جعفر صادق کے یوم شہادت کے سلسلہ میں برآمد ہونے والے ذوالجناح کے ماتمی جلوس میں شریک عزاداروں سے خطاب میں کیا اس موقع پر، اسد رضا (لاہور)،شاہ زیب حسن، اصغر علی ہاشمی قرشی،عامر لنگاہ، محمد آصف جھمٹ ذوالفقار علوی، کامران شمسی، ملک عبد الرزاق، حاجی غلام حسین،مہر مختار حسین، فیاض خان، عمران حسین ودیگر شریک تھے جبکہ دربار عالیہ حضرت شاہ شمس تبریز سبزواری کے سجادہ نشین مخدوم سید علی مہدی شمسی نے ملک وقوم کی ترقی و خوشحالی، سلامتی، امن و امان کے قیام کے سلسلے میں خصوصی طور پر دعا کرائی۔