ملتان(خصوصی رپورٹر) وائس چانسلر نشتر میڈیکل یونیورسٹی پروفیسر ڈاکٹر رانا الطاف احمد اور ڈائریکٹر سپورٹس نشتر میڈیکل یونیورسٹی پروفیسر ڈاکٹر مسعود الرؤف ہراج کی ذاتی دلچسپی اور کاوشوں سے نشتر ہاسٹل کے سوئمنگ پول کو مرمت اور تزئین و آرائش کے بعد کھول دیا گیا۔ اسی ضمن میں پروفیسر ڈاکٹر رانا الطاف احمد وائس چانسلر نشتر میڈیکل یونیورسٹی نے گزشتہ روز ڈائریکٹر سپورٹس پروفیسر ڈاکٹر مسعود الرؤف ہراج کے ہمراہ سوئمنگ پول کی جگہ کا دورہ کیا اور ہاسٹلز میں رہائش پذیر سٹوڈنٹس کے لیے تیراکی کے حوالے سے  تمام تر انتظامات کا جائزہ لیا اور اسے سٹوڈنٹس کے استعمال کے لیے کھولنے کا باقاعدہ اعلان کیا۔ بعد ازاں وائس چانسلر نے ڈیپارٹمنٹ آف میڈیکل ایجوکیشن نشتر میڈیکل یونیورسٹی میں جاری  سرٹیفکیٹ ان ہیلتھ پروفیشن ایجوکیشن کے عنوان سے جاری ورکشاپ کی اختتامی تقریب میں بطور مہمان خصوصی شرکت کی اور شرکاء میں سرٹیفکیٹس تقسیم کئے۔