34ویں نیشنل گیمز میں میڈلز ٹیبل پر آرمی کی برتری برقرار

لاہور(سپورٹس رپورٹر) 34ویں نیشنل گیمز میں میڈلز ٹیبل پر آرمی کی برتری برقرار ہے۔کوئٹہ میں جاری 34 ویں نیشنل گیمز میں مختلف کھیلوں کے مقابلے جاری ہیں، میڈل ٹیبل کے مطابق آرمی سب سے آگے ہیں۔آرمی کے اتھلیٹس نے سونے کے 14، چاندی کے 15 اور کانسی کا ایک میڈل جیتا ہے جبکہ نیوی کا دستہ 7 گولڈ، 9 سلور اور 8 برانز میڈل کےساتھ دوسری پوزیشن پر ہے۔واپڈا نے اب تک 7 گولڈ، 3 سلور اور 3 برانز میڈلز حاصل کیے ہیں، ائیرفورس کی ٹیم نے ایک گولڈ، اور 4برانز میڈل حاصل کیے ہیں جبکہ ہائر ایجوکیشن کمیشن نے ایک سلور اور 7برانز میڈلز حاصل کیے ہیں۔پنجاب نے ایک سلور میڈل اور ایک برانز میڈل جیتا ہے جبکہ کے پی اور ریلویز کے کھلاڑی نیشنل گیمز میں اب تک تین، تین برانز میڈل حاصل کر چکے ہیں۔