حضرت فاطمہؓ کی زندگی مشعل راہ ہے:پیر سیدزوار حسین شاہ

جمبر(نامہ نگار)سید اقرارحسین مشہدی ؒ کے سجادہ نشین پیرسیدزوارحسین شاہ اورپیرسید محمد علی شاہ مشہدی نے آ ستانہ عالیہ پیر ڈھولے والی سرکارکے سالانہ ختم مبارک کی اختتامی نشست کے شرکاء سے خطاب کرتے ہوئے کہاسیدہ فاطمۃ الزہراؓکی ساری زندگی ہمارے لئے مشعل راہ ہے۔نبی پاکؐ سیدہ طیبہ طاہرہ حضرت فاطمۃ الزہراؓسے اس قدرمحبت فرماتے تھے کہ آپؐ جب بھی اپنے والد گرامی کے گھرآتی تو نبی پاکؐ ان کاپرتپاک استقبال کرنے کیلئے نہ صرف کھڑے ہوجاتے بلکہ اپ اپنی جگہ ان کوبٹھاتے اورسیدہ فاطمہؓ کی پیشانی کابوسہ بھی لیتے تھے۔