لاہور(نامہ نگار)اقبال ٹاؤن کے علاقے میں ہفتے کی رات ڈاکوؤں کی فائرنگ سے پروفیسر فاروق اعظم کی ہلاکت کے واقعہ کی سی سی ٹی وی فوٹیج منظرعام پر آئی ہے۔ویڈیو میں دیکھا جا سکتا ہے کہ موٹرسائیکل سوار ایک ڈاکو نے سرخ ہیلمٹ اور دوسرے نے چہرے پررومال لپیٹا ہوا ہے۔دونوں ڈاکوؤں کو مقتول کے بیٹے شعیب کا پیچھا کرتے جبکہ فائرنگ کی آواز سن کر شہریوں کو بھاگتے ہوئے بھی دیکھا جاسکتا ہے۔دونوں ڈاکو واردات کے بعد اسی راستے سے واپس فرار ہوئے۔پولیس کے مطابو کلوز سرکٹ کیمروں کی مدد سے ڈاکوؤں کی تلاش جاری ہے۔