گوجرانوالہ:سکول انتخابات ،نو منتخب امیدوار 23مئی کو حلف اٹھائیں گے 

گوجرانوالہ(نمائندہ خصوصی )گوجرانوالہ ریجن کے سرکاری اسکولوں میں طلبہ طالبات کی یونین سازی کے لئے سٹوڈنٹس کونسل کے انتخابات مکمل10ہزار296نو منتخب امیدوار 23مئی کو اپنے عہدوں کا حلف اٹھائیں گے۔ حلف برداری کی تقریب ڈسٹرکٹ اور تحصیل لیول پر ہوگی۔ سکول ایجوکیشن ڈیپارٹمنٹ پنجاب نے تمام سی ای اوز کو مراسلہ جاری کردیا ۔ تفصیلات کے مطابق گوجرانوالہ سمیت ریجن بھر کے 2774 ایلیمنٹری اور ہائی سکولوں کے کامیاب 10 ہزار 296 عہدیداران 23 مئی بروز جمعرات کو اپنے عہدوں کا حلف اٹھائیں گے۔ حلف برداری کی تقاریب تحصیل اور ڈسٹرکٹ سطح پر منعقد کی جائیں گی۔ جہاں پر نو منتخب طلبہ و طالبات اپنے عہدوں کا حلف اٹھائیں گے ۔ صدر کے امیدوار سبز،نائب صدر کے نیلے،جنرل سیکریٹری کے سرخ اور فنانس سیکرٹری کے کامیاب عہدیدار اورنج رنگ کے کمر بند پہنے گے۔ منتخب ارکان سکولوں میں وزٹ کے دوران تمام مہمانوں کو ویلکم کیا کریں گے۔ اور اپنے حلف کی پاسداری کی پابندی کریں گے۔