گوجرانوالہ(نمائندہ خصوصی )گوجرانوالہ چیمبر آف کامرس کے رہنمائوں اخلاق احمد بٹ، ملک ظہیر الحق،شیخ حاجی محمد شکیل،ودیگر نے کہا ہے کہ نامکمل گوجرانوالہ موٹر وے ایکسپریس روڈ کا جلد بازی میں افتتاح کیا گیا جس کی وجہ سے اب موٹر وے لنک سٹرک خونی سڑک ثابت ہو رہی ہے۔ صنعتکار خرم اشفاق کے نوجوان بیٹے کی ٹریفک حادثہ میں ہلاکت بھی اس بات کی دلیل ہے ۔انتظامیہ سے درخواست ہے کہ جب تک لنک سڑک مکمل نہیں ہو جاتی بند کیا جائے اور مکمل ہونے کے بعد کھولا جائے ۔جو شہریوں کیلئے رحمت کی بجائے اذیت بن گئی ہے کیونکہ سڑک پر اندھیرا، ون وے بھی ہے جو کسی بھی بڑے حادثے کا باعث بن سکتی ہے۔