واٹر چیریٹی کی بلوچستان میں صاف پانی کیلئے کوکاکولا فائونڈیشن کیساتھ شراکت داری

اسلام آباد(خبرنگار)واٹر چیریٹی نے پاکستان کے صوبہ بلوچستان میں صاف پانی پراجیکٹ شروع کرنے کیلئے کوکاکولا فائونڈیشن کے ساتھ شراکت داری کی۔ پراجیکٹ کا مقصد بلوچستان میں 372نئے اور بحال شدہ آبی مقامات کو معاونت فراہم کرنا ہے تاکہ 3500 سے زائد افراد کیلئے پینے کے صاف اور محفوظ پانی کو یقینی بنایا جاسکے، کوکاکولا فائونڈیشن کی صدر سعدیہ مدسجرگ نے کہا ہے کہ ہم مقامی مہارت اور پائیداری کے بہترین عالمی طرزعمل کے درمیان ربط کیلئے شراکت داریوں کی طاقت پر یقین رکھتے ہیں تاکہ پانی کا ہر قطرہ بالخصوص ان علاقوں تک پہنچے۔