قومی ہاکی ٹیم آج آسٹریلیا روانہ ہو گی

لاہور (سپورٹس رپورٹر) آسٹریلیا میں دو ٹورنامنٹس میں حصہ لینے کے لئے قومی ہاکی ٹیم آج پرتھ روانہ ہو گئی۔ پاکستان ٹیم کی قیادت کے فرائض ایم عمران انجام دے رہے ہیں جن کی قیادت میں قومی ٹیم پہلے نائن اے سائیڈ ٹورنامنٹ میں شرکت کے بعد یکم دسمبر سے شروع ہونے والے چیمپئنز ٹرافی ہاکی ٹورنامنٹ میں حصہ لے گی۔ دریں اثناءپاکستان ہاکی ٹیم کے کوچ اختر رسول نے کہا ہے کہ ٹیم کا انتخاب میرٹ پر ہوا ہے انشااﷲ اچھے نتائج دینے کی کوشش کرینگے۔ ٹورنامنٹ میں شریک کوئی بھی ٹیم آسان نہیں ہے تاہم مجھے اپنے نوجوان کھلاڑیوں پر پورا اعتماد ہے کہ وہ توقعات پر پورا اتریں گے۔