لاہور(سپورٹس رپورٹر) راولپنڈی واقع کے بعد پاکستان کرکٹ بورڈ کے زیر اہتمام 27 نومبر سے پنڈی کرکٹ سٹیڈیم میں منعقد ہونے والے محکمہ جاتی ٹی ٹونٹی ڈومیسٹک ٹورنامنٹ کے لاہور شفٹ ہونے کا قوی امکان پیدا ہو گیا ہے۔ اس سلسلہ میں پی سی بی انتظامیہ نے قذافی سٹیڈیم میں ٹورنامنٹ کے انعقاد کے لئے ہنگامی تیاریوں کا آغاز کر دیا ہے۔ ذرائع کا کہنا ہے کہ راولپنڈی میں 10 ویں محرم الحرام کو پیش آنے والے واقعہ کے بعد پنڈی کرکٹ سٹیڈیم میں ڈومیسٹک ٹورنامنٹ کا انعقاد خطرے سے دوچار ہو گیا ہے، پاکستان کرکٹ بورڈ کے زیر اہتمام منعقد ہونے والے ٹورنامنٹ ادارہ جاتی ٹیموں نے حصہ لینا ہے۔