بھارت میں میچ فکسرز کے خلاف گھیرا تنگ کرنے کی تیاریاں

نئی دہلی(سپورٹس ڈیسک) بھارت میں میچ فکسرز کے خلاف گھیرا تنگ کرنے کی تیاریاں شروع ہوگئیں۔بھارتی بورڈ کے سابق صدر اور حکمران جماعت بی جے پی کے رہنما انوراگ ٹھا کر نے ایک پرائیویٹ ممبر بل پارلیمنٹ میں جمع کرایا ہے جس میں انھوں نے میچ فکسنگ میں ملوث شخص کو 10 برس کے لیے جیل میں ڈالنے کی تجویز دی ہے، ساتھ میں فکسنگ کے لیے دی جانے والی رقم کا پانچ گنا جرمانہ لگانے کی بھی سفارش کی گئی ہے، یہ بل موسم سرما کے پارلیمنٹ سیشن کے دوران پیش کیا جائے گا۔انوراگ ٹھاکر نے یہ بھی مطالبہ کیا کہ تمام سپورٹس فیڈریشن کے لیے ایک مرکزی ایتھک کمیٹی بنائی جائے جہاں پر ڈوپنگ، میچ فکسنگ، عمر کے حوالے سے فراڈ اور خواتین کو ہراساں کرنے سمیت تمام معاملات کا جائزہ لیا جائے۔
aa