عالمی سنوکر چیمپئن شپ، پاکستانی کیوئسٹ عمران شہزاد کا فاتحانہ آغاز

ینگون (اے پی پی) آئی بی ایس ایف ورلڈ سنوکر چیمپئن شپ میں پاکستانی کیوئسٹ عمران شہزاد نے جاپانی کیوئسٹ کو شکست دے کر ایونٹ کا فاتحانہ آغاز کیا، انہوں نے ماسٹر کیٹگری ایونٹ کے ابتدائی گروپ میچ میں یوسیوک تناکا کو 3-0 فریمز سے شکست دی، شہزاد دوسرے میچ میں آج کو ویلز کے کیوئسٹ جیسن ٹکر مدمقابل ہوں گے۔ میانمار میں شروع ہونے والی چیمپئن شپ میں ماسٹر کیٹگری ایونٹ کے ابتدائی گروپ میچ میں پاکستانی کیوئسٹ عمران شہزاد نے عمدہ کارکردگی کا مظاہرہ کرتے ہوئے حریف جاپانی کیوئسٹ یوسیوک تناکا کو 3-0 فریمز سے ہرا کر ایونٹ میں جاندار انٹری کی۔، ان کی جیت کا سکور 65-8، 70-20 اور 130-0 رہا، انہوں نے آخری فریم میں 130 بریک کھیلی، شہزاد دوسرے میچ میں آج منگل کو ویلز کے جیسن ٹکر کے آمنے سامنے ہوں گے۔