فیصل آباد کے علاقے تاندلیانوالہ کے قریب وین درخت سے ٹکرا گئی جس کے نتیجے میں 2 خواتین سمیت 3 افراد جاں بحق اور 5 زخمی ہوگئے۔ نجی ٹی وی چینل کے مطابق حادثہ ڈرائیور کو نیند آنے کی وجہ سے پیش آیا۔ امدادی ٹیموں نے زخمیوں کوہسپتال منتقل کردیا ہے۔ جاں بحق ہونے والوں میں ریاست، خورشید بی بی اور 22 سالہ صوبیہ جبکہ زخمیوں میں شاہدہ بی بی ، عارف، نادیہ، سجاد اور سمیرا شامل ہیں۔ ہسپتال ذرائع کے مطابق زخمیوں میں سے 2 کی حالت تشویش ناک بتائی جاتی ہے۔ پولیس نے قانونی کارروائی کے بعد لاشوں کو لواحقین کے حوالے کرتے ہوئے مقدمہ درج کر کے تفتیش شروع کر دی ہے۔