جنوبی وزیرستان: دہشتگردوں کا فوجی چوکی پر حملہ، فائرنگ، 2 جوان شہید، ایک زخمی

اسلام آباد (سٹاف رپورٹر) جنوبی وزیرستان کے علاقہ پش زیارت میں دہشت گردوں  کے ساتھ فائرنگ کے تبادلہ  کے دوران  پاک فوج کے دو جوان شہید اور ایک زخمی ہو گیا۔ آئی ایس پی آر کے مطابق دہشت گردوں نے رات گئے  فوجی چوکی پر حملہ کیا۔ پاک فوج  نے دہشت گردوں  کے حملہ کا سرعت سے جواب دیا۔ فائرنگ کے تبادلے میں دو جوان حوالدار مطلوب عالم اور سپاہی سلیمان شوکت شہید  ہوگئے۔ علاقے  کا  کلیئرنس آپریشن شروع کر دیا گیا ہے۔