آرمی چیف، امریکی ناظم الامور ملاقات، افغان امن عمل، خطہ میں کشیدگی کم کرانے پر پاکستان کی تعریف

 اسلام آباد (سٹاف رپورٹر) پاکستان میں امریکہ کی ناظم الامور انجلا ایگیلر نے گزشتہ روز چیف آف آرمی سٹاف جنرل قمر جاوید باجوہ سے ملاقات کی۔ آئی ایس پی آر کے مطابق دوران ملاقات باہمی دلچسپی کے امور، علاقائی سلامتی کی صورتحال اور بطور خاص افغان امن عمل پر تبادلہ خیالات کیا گیا۔ امریکہ کی ناظم الامور نے خطہ میں تصادم روکنے  اور افغان امن عمل کی کامیابی کیلئے پاکستان کے انتھک کردار کی تعریف کی۔ انہوں نے افغانستان میں امن کے مشترکہ مقصد کیلئے امریکہ کی مسلسل حمایت کی یقین دہانی کرائی۔