کاہنہ : ٹیچر کا تشدد‘نویںجماعت کے طالب علم کا بازو توڑدیا

کاہنہ(نامہ نگار)کاہنہ میں سکول ٹیچر کا بچے پر ڈنڈوں سے تشدد بازکی ہڈی توڑ دی ۔تفصیلات کے مطابق کاہنہ کے علاقہ سادھوکی گورنمنٹ ہائی سکول میںسکول ٹیچر رحمت علی نے نویں کلاس کے طالبعلم اویس پر ہوم ورک نا کرنے پر ڈنڈے سے بہیمانہ تشدد کیا جس سے بچے کے دائیں بازوں کی ہڈی ٹوٹ گئی‘ متاثرہ طالب علم کو کسی قسم کی طبی امداد نہیں دی گئی اور گھر روانہ کردیا گیا ۔بچے کے لواحقین نے ٹیچر کیخلاف سکول کے باہر احتجاج بھی کیا ‘چوکی انچارج ہلوکی کے مطابق لواحقین نے سکول ٹیچر کے خلاف احتجاج کیا مگر ان کی طرف سے کوئی تحریری درخواست نہیں آئی‘ اگر کوئی درخواست موصول ہوئی تو ضرور قانون کے مطابق کاروائی کریں گے۔