ٹھٹھہ( پی پی آئی)ضلع ٹھٹھہ میں عارضی بنیاد پر ویکسنیٹرز کی بھرتی کیلئے امیدواروںسے انٹرویوز کئے گئے۔ ڈپٹی کمشنر غضنفر علی قادری  نے دربار ہال مکلی میں ڈسٹرکٹ ہیلتھ آفیسر محمد حنیف میمن اور دیگر متعلقہ حکام کی موجودگی میں نگرانی کی۔ ڈپٹی کمشنر غضنفر علی قادری نے اس موقع پر کہا کہ میرٹ پر پورا اترنے والے امیدواروں کو صاف اور شفاف طریقے سے بطور ویکسینیٹر بھرتی کیا جائے گا تاکہ اہل افراد آگے آکر اپنے ضلع کے عوام کی خدمت کو یقینی بنا سکیں۔ . انہوں نے کہا کہ ضلعی انتظامیہ صحت مند معاشرے کے قیام میں مدد کے لیے عارضی بنیادوں پر ویکسی نیٹرز بھرتی کر رہی ہے تاکہ ضلع میں مختلف بیماریوں سے بچاؤ کی مہم کے دوران بہتر نتائج حاصل کیے جا سکیں۔