وومن ایکسی لینس اسپورٹس ایوارڈز کی تقریب 28نومبر کو ہوگی

کراچی (اسپورٹس رپورٹر) این جی او، وومن ایمپاورنگ  28 نومبر 2021 کو آر جے پلازہ   جوہر موڑ میں ایک کانفرنس اور وومن ایکسی لینس اسپورٹس ایوارڈز کی تقریبات کا انعقاد کر رہی ہے۔ ایوارڈز کے دوران بہترین کارکردگی کی بنیاد پر دیئے جائیں گے۔ ان ایوارڈز کو شروع کرنے کا بنیادی مقصد کھیلوں کے تمام پہلوؤں میں بہترین کارکردگی دکھانے والوں کی حوصلہ افزائی کرنا ہے۔شہر کی معروف سماجی اور کھیلوں کی شخصیت محترمہ افشاں ان تقریبات کی سرپرستی کر رہی ہیں۔ کانفرنس کا موضوع کھیلوں میں خواتین کے لیے چیلنجز ہے، کئی اہم شخصیات کو دو گھنٹے کی کانفرنس میں کلیدی مقررین کے طور پر مدعو کیا گیا ہے جو دوپہر 2 بجے سے شام 4 بجے تک جاری رہے گی۔این جی او نے خصوصی طور پر خواتین کے لیے 10 ایوارڈز کے لیے کیٹیگریز کو حتمی شکل دی ہے۔ بشمول، کسی بھی کھیل میں بہترین ایتھلیٹس کے لیے 5 ایوارڈز، 2 ایوارڈز ڈی پی ای، سپورٹس ٹیچرز، ایک خاتون سپورٹس جرنلسٹ کے لیے۔ ایک تکنیکی اہلکار کے لیے۔ اور ایتھلیٹس کے کھیلوں کی صحت اور طب کے پہلو میں بہترین کارکردگی دکھانے والوں کے لیے۔ کاغذات نامزدگی جمع کرانے کی آخری تاریخ 22 نومبر ہے۔سلیکشن کمیٹی میں اسما شاہ (چیئر پرسن)  افشاں فاطمہ، احمد علی راجپوت، محمد خالد رحمانی اور محمد سعید شامل ہیں۔
وومن ایکسی لینس